Napadač Real Madrida Kristijano Ronaldo postavio je sinoć rekord po broju postignutih golova na utakmicama eurokupova.
U revanšu osmine finala Lige šampiona između Reala i Šalkea u Madridu, gdje je na poluvremenu neriješeno 2:2, Ronaldo je najprije zatresao mrežu u 25. minutu i izjednačio rekord kojeg je sa 77 golova držao bivši igrač Reala, Raul, a potom u finišu poluvremena postigao još jedan, rekordni 78. gol.
Ronaldo je ujedno izjednačio rekord po broju golova u Ligi šampiona, kojeg je sa 75 pogodaka držao napadač Barselone Lionel Mesi.
Prvi meč osmine finala Lige šampiona Real Madrid je u Gelzenkirhenu dobio rezultatom 2:0.
Golman Reala Iker Kasiljas izjednačio je rekord Ćavija iz Barselone po broju utakmica u Ligi šampiona pošto mu je meč protiv Šalkea bio 146. nastup u elitnom takmičenju.